NAGA CITY- Umabot sa 50,588 ang inisyal na bilang ng nabakunahan laban sa COVID-19 sa buong Camarines Sur sa isang araw.
Pinakamataas ito sa mga probinsya sa Bicol Region. Ngunit 119, 138 sana ang daily target kung kaya 41.97% lamang ang naturukan sa pag-arangkada ng National Vaccination Days nitong Lunes batay sa tala ng Department of Health Bicol.
Ang mga nagpabakuna na ay inihalintulad sa bayani kagaya na lamang ni Gat Andres Bonifacio, kahapon ginunita ang ika-158 anibesaryo ng kaniyang kapanganakan. Ayon kay DOH Camarines Sur Officer Dr. Rey Millena lahat sana tayo ay maging bayani sa isa’t-sa. Ang Bayanihan Bakunahan ay “whole government and whole society approach”
Samantala , pinasalamatan ni Millena ang mga organisasyon at mga grupo na tumutulong sa tatlong araw na malawakang pagbabakuna . Sapat ang supply at ito aniya ang kailangan sa mas mabilis na pag-abot ng herd immunity.
