CAMARINES NORTE – Nakatanggap ng ayuda mula sa Department of Social Welfare and Development (DSWD) sa pamamagitan ng Lokal na Pamahalaan ang nasa mahigit apat na libong indibidwal na registered fisherfolks sa bayan ng Mercedes, Camarines Norte.
Ang mga mangingisda kasi ang mas higit na apektado kapag panahon ng amihan dahil halos hindi sila makapaghanapbuhay kapag ganitong mga panahon.
Isinagawa ang pamamahagi ng sabay- sabay sa iba’t-ibang itinalagang lugar na pinangasiwaan ng Municipal Social Welfare and Development simula noong Martea hanggang kahapon para sa mga Poblacion Barangays at ngayong araw naman hanggang bukas ay sa river block at coastal barangays.
Humingi ang Lokal na Pamahalaan ng alokasyon ng family food packs sa DSWD Region V.
Ang validation ng mga benepisyaryo ay ginawa ng MSWDO at Municipal Agriculturist Office upang makuha ang mga lihetimong registered fisherfolks.
Hiniling naman ni Mayor Alexander Pajarillo sa Sangguniang Bayan na mapondohan ang programang “Tabang Amihanon” para makapagbibigay ng ayuda a sa mahigit-kumulang na 14,000 households sa buong bayan na apektado ng amihan.
