BNFM BICOL– Umabot na sa kabuuang 271,769 individuals ang nabakunahan na kontra COVID-19 sa islang lalawigan ng Catanduanes, batay sa pinaka latest na report ng Provincial Health Office as of December 10, 2021.
Mula sa naturang bilang, 178,174 na mga indibidwal o 78% ng current target population ang naturukan na ng first dose ng bakuna, habang 93,595 individuals o 41% ng current target population naman ang fully vaccinated na kontra sa sakit kabilang ang mga tumanggap ng one shot COVID-19 vaccine na Janssen.
Bunsod nito, naabot na ng Catanduanes ang 34% vaccination coverage mula sa 100% ng kanilang target population.
Kaugnay nito, inihayag ng PHO na asahan umano na tuloy-tuloy ang pagsasagawa ng vaccination roll-out sa lalawigan lalo na at dumating nito lamang nakaraang linggo ang dagdag na 8,800 doses ng Sinovac; 5,850 doses ng Pfizer at 6,600 doses ng Aztrasenica vaccine sa islang probinsya.
Patuloy naman ang panawagan ng tanggapan sa publiko na makiisa sa nagpapatuloy na bakunahan upang mabigyan ng proteksyon ang sarili laban sa nakamamatay na virus.###
