Aabot sa 438,000 na indibidwal ang hindi pa rin nakakabalik sa kanilang mga papamahay ilang araw matapos ang paghagupit ng super-typhoon Odette.
Ayon kay National Disaster Risk Reduction and Management Council (NDRRMC) Spokesman Mark Timbal karamihan sa dito ay pansamantalang nakatira sa labas ng evacuation centers o di naman kaya ay nakikitira sa kanilang mga kamag-anak o kaibigan.
Sinabi ni Timbal na nasa mahigit 20,000 na kabahayan ang winasak ng bagyo habang nasa 34,000 naman ang partially damaged.
Sa kabuoan inihayag ng NDRRMC na nasa 1.8-million tao ang naapektuhan ng bagyong Odette.
Kabilang sa mga lugar na pina-napinsala ng bagyo ay ang northeastern Mindanao, Western Visayas, Central Visayas, at Palawan.
Samantala sinabi ni Timbal na binebireka pa nila ang balitang mga looting incidents sa mga typhoon-hit areas.
