Magkakaroon ng salary increase ang nasa mahigit 100 Contract of Service o COS ng Lazatin Memorial Medical Hospital sa Angeles City, simula sa February 1.
Alinsunod ito sa Memorandum Order No. 182 S. 2023 na inisyu ni City Mayor Carmelo “Pogi” Lazatin Jr,.
Sa ilalim ng memo, apat na midwives ang magkakaroon ng 6 thousand pesos increase; 2 thousand pesos sa 105 na Nursing Attendant ; habang 4 thousand naman ang idadagdag sa sweldo ng walong radiologic technologists.
Matatandaang 2020 noong huling nagtaas ng sweldo ang Angeles City Government sa mahigit 100 nurse ng naturang hospital.
Habang nagbigay naman ng 1 thousand honoraria raise ang City Government sa 141 City Health Volunteers sa lungsod noong 2021.
