Naka angkon it tamat pag-eabo sa liog ru magueang matapos magbaisan sa manghod sa sangka ilimnan sa Brgy. Naile, Ibajay, Aklan.
Sa imbistigasyon ni PCPL Daniel Morris Gallano it Ibajay MPS, nakilaea ru biktima nga si Allan Gillesania, 41 anyos , magueang it suspek samtang, nakilaea ru suspek nga si Jason Gillesania, 33 anyos, tanan mga residente it nasambit nga lugar.
Halin sa gaeabon ru mag maeanghod ag nagsaeampitan nga mag-inom it aeak hasta nga nag-angkon it argumento sa tunga it biktima ag suspek.
Nasayuran nga bangud eamang sa alagang manok ag ayam ru gin halinan it mainitang diskusyon bago ru insidente.
Dahil sa pagkaangkon it tamat pag-eabo sa liog, eagi nga gin daea ru biktima sa Ibajay District Hospital ag dayon gin deritso sa Aklan Provincial Hospital para sa naga kaigo nga pagbueong.
Samtang, na aresto ru suspek it mga pulis apang, nagdecision ru pamilya nga indi eon magpasaka it kaso kontra sa suspek.//MARIVIC Y. ILIN
