Gi-aghat karon sa Commission on Population and Development (POPCOM) Caraga ang tanang magtiayon nga di magpatuyang sa pagpanganak.
Sumala ni Alexander Makinano, ang Regional Director sa POPCOM Caraga, angayan hunahunaon sa mga magtiayon ang ilang kahimtang aron masigurong mahatag ang panginahanglan sa ilang mga anak.
Giklaro ni Makinano, di ka komedyahan ang pagbaton sa daghang anak sanglit nakataya ang hayag nga kaugmaon niini.
Bentaha matod pa nga planado sa magtiayon ang paghimo og anak aron di maglisod ang pamuyo ug makapa-eskwela pa kini sa mga anak.
