Bistado ang isang magnanakaw sa Jaro, Iloilo matapos siyang uminom ng tubig sa loob ng pinagnanakawan na establisyemento.
Ayon sa may-ari ng BAC Fire Industrial Supplies, nangyari ang panloloob ng lalaki noong September 20, 2022 ganap na 1:40 ng madaling araw.
Pinaniniwalaan na dumaan sa bubong ang suspek at gumamit pa ng hagdan para makarating sa ikalawang palapag ng gusali kaya baka napagod ito at napainom ng tubig.
Nang malaman nitong nakaharap ang CCTV sa kanya ay nagdirty finger pa sa harap ng camera.
Base sa ulat, dalawang libong piso at may cellphone ang natangay ng suspek na hindi pa nahuhuli.
