PADRE GARCIA – Arestado ang apat na mga kababaihan matapos na maaktuhan ng mga awtoridad na naglalaro ng Tong-its sa Barangay Poblacion, Padre Garcia, Batangas.
Kinilala ng Padre Garcia Municipal Police Station ang mga nahuli na sina Eden Laylo, 50 anyos; Telma Moster, 51 anyos; Rosalie Rogas, 44 anyos at Reynabel Lambino, 47 anyos.
Ayon sa imbestigasyon, noong Linggo, Aug 22, 2021, bandang alas-4:10 ng hapon, nagsagawa ng anti-illegal gambling operation ang mga awtoridad na nagresulta sa pagkakaaresto ng mga suspek.
Narekober sa mga ito ang isang set ng baraha, isang table cloth at halaga ng perang umaabot sa P829.00
Nakadetina na ang mga ito at nahaharap sa kasong paglabag sa PD 1602 o ‘Prescribing Stiffer Penalties On Illegal Gambling’.
