Patay ro magkampod matapos makuryente mismo sa suoed it andang panimaeay sa Barangay Buyo, Passi City.
Uwa eun kaabot it buhi sa Passi District Hospital kanday Jhaspher Sioting, 28, ag Jen Loyd Cerbo, 20.
Base sa imbestigasyon it Passi City PNP, sa pagpanguna ni Police Lieutenant Colonel Dennis Pamonag, natabo ro aksidente kat gintinguhaan it mga biktima nga patyon ro kuryente matapos nga nageupok ro fuse.
Sa nakalaylay nga kawayan nga konektado sa wire it wifi, nasunggaban it daywa ro live wire it Iloilo Electric Cooperative o ILECO rason para sanda hay makuryente.
Sunog ro bilog nga kaeawasan it mga biktima./JIL B. LACSON
