Naghana nga magtakas ro sambilog ka uwa gin-pangaeanan nga eaeaki nga naka-quarantine sa isolation facility sa Iloilo City.
Ro nasambitan nga eaeaki hay COVID-19 positive.
Base sa kaibahan nana sa quarantine facility nga ginkieaea eamang bilang alyas Christopher, nag-abot ro eaeaki ku Agosto 26.
Sa nauna nga tatlo ka adlaw, matino man nanda raya nga naka-isturya. Pero, kat sa anang pang-ap-at nga adlaw nga nakaquarantine, naobserbahan nanda nga indi makahim-ong raya ag hala sueod-guwa sa kwarto.
Ginpahayag it eaeaki nga may mga sapat segun nga nagapaeapit sa ana. May ginahambae man imaw nga may nakita imaw nga kung anu-ano kapareho it tikbalang.
Nasayuran nga ro eaeaki hay gin-aywanan it anang asawa rason nga nagadali raya nga mag-uli. Nagangayo man raya it makahuoebog nga ilimnon ag sigailyo.
Base pa kay Christopher, ginsaka it eaeaki ro pader it isolation facility agud makatakas pero nadakop raya it mga kapulisan.
Bangud sa anang gin-ubra, gin-lock ro eaeaki sa anang kwarto.
Sa presente, gina-assess pa it City Health Office ro anang kondisyon bangud may withdrawal sa alcohol addiction ro eaeaki./JIL B. LACSON
