Nagpakasal ang duha ka mag-uyab nga nag-ila online bisan wala pa kini nagkita og personal.
Kini pinaagi sa video teleconference software nga Zoom.
Naila ang mag-uyab nga si Darrin gikan sa Amerika ug Ayse nga gikan sa United Kingdom ug nag-ila ang duha sa usa ka facebook group nga gapangita og digital pen pals o online dating.
Lima ka bulan palang sa ilang relasyon, Nobyembre 2020 nag-propose si Darrin kang Ayse ug kaslon unta kini niadtong Hulyo 2021 apan wala mahinayon homan wala gihatagan sa US visa si Ayse busa na-huna-huna nila nga magpakasal na lamang via sa online.
Madumduman nga dunay bag-ong balaod sa Utah, USA nga mahimo nang legal ang pagpakasal pinaagi sa virtual wedding ceremonies.
Sa karon naghulat na lamang si Ayse nga makakuha sa iyang US visa aron magpuyo sa Amerika kauban ang iyang bana. –END-
