Patay ang usa ka mag-uuma homan gipusil sa wala mailhing suspetsado pasado alas 7 atong niaging gabie Sitio Talagbuan ,Barangay Marcelo, Calatrava Negros Occidental.
Ang biktima mao si alyas”Toktoy”, 33-anyos,ulitawo ug residente sa Sitio Kamao, Brgy. Marcelo,sakop sa lungsod sa Calatrava,samtang ang suspetsado wala mailhi.
Sa pakighinabi sa Brigada news team kang Deputy Chief of Police,Pcpt.Jess Alba nasayran ang biktima miadto sa usa ka tindihan aron moconnect ug wifi apan samtang naghulog palang ug sinsilyo kalit gipusil sa wala mailhing mamumuno.
Misulay pa kini sa pagdagan ang biktima apan pipila ka metros ang gilay-on, natumba kini.
Gidala sa tambalanan ang biktima sa iyang pamilya uban sa opisyal sa barangay apan gideklarang dead on arrival sa attending physician.
Nakaangkon og samad pinusilan sa iyang dughan nga milapos sa iyang likod ang biktima nga maoy hinungdan sa iyang hinanaling kamatayon.
Sa karon padayon pang giimbestigahan sa kapolisan ang motibo ug hinungdan sa pagpusil patay kang alyas toktoy.
