Patay ang isang lalaki matapos itong pagbabarilin ng hindi pa nakikilalang suspek sa Barangay Malabanban Sur, Candelaria, Quezon nitong Linggo, Hunyo 21.
Sa inisyal na imbestigasyon ng mga awtoridad, naglalakad noon ang biktimang si alyas “Dexter”, 23-anyos, sa sidewalk ng Quiapo River nang walang anu-ano itong pinagbabaril sa ulo ng naturang suspek.
Dead on the spot ang biktima habang ang suspek ay tumakas matapos ang insidente.
Sa ngayon, patuloy ang isinasagawang imbestigasyon at operasyon ng mga awtoridad upang matukoy ang suspek at ang motibo nito sa pamamaril.
