LEGAZPI CITY – Nakaresibi nin certificate of commendation an 14 na mga security guard asin mga empleyado kan SM City Legazpi dahil sa pagpapaheling nin dedikasyon asin marhay na trabaho katakod kan isinagibong Joint Annual Tactical Inspection and General Troops sa nasambit na Mall.
Pinangenotan an nasambit na aktbidad kan mga opisyales kan nasambit na mall kun sain presente man digdi PCOL Julius Cubos Añonuevo kan Albay Police Provincial Office (APPO).
Obheto kan pagtatao nin komendasyon sa mga empleyado iyo an pagtataong pasasalamat sa pagtao nin serbisyo asin sa pagbalik kan mga gamit na nawawara kan saindang mga customers asin dakol pang iba.
