Wala na masalbar pa ang kinabuhi sa usa ka lalaki human nga giunay kini og pusil sa iyang igsuon nga sekyu sa Purok 7 Barangay Tibuloy, Toril District, ning dakbayan sa Davao.
Giila ang biktima nga si Arman Sarajena Danosos, samtang ang suspek giila nga si Ruel Sarajena Danosas, usa ka sekyu pulos residente sa nahisgutang lugar.
Subay sa imbestigasyon sa Toril PNP, naglami matud pa og inom ang mag-igsuon sa panimalay mismo sa suspek apan sa ilang sigeg tagay, nagsugod nag lalis ang duha ug nagtinubagay. Gumikan sa kapungot sa suspek, wala na nakontrola ang kaugalingon niini ug mikuha gilayon og armas dayon gipusil ang igsuon niini sa tiyan nga bahin hinungdan saiyang hinanaling kamatayon.
Nakumpiska sa kapulisan ang usa ka homemade Caliber .357 magnum. Nag atubang na og tukmang kaso ang suspetsado.
