Naloko it may kapin sa P1.5M nga balor it kwarta ru mag-asawang negosyante maeapit sa Kalibo Shopping Center sa banwa’t Kalibo.
Suno sa mag-asawang negosyante, maabtik makombensi ru mag-asawang suspek pina-agi sa pag patigayon sa pagbulig sa mga tawo nga gustong mag prenda it mga titulo’t eogta.
Nagsalig sigun ru mga mag-asawang negosyante sa mga suspek dahil sa may pilang besis eon nga naga binalik-balik sa andang panimaeay ag naga daea it mga buyer it eogta ag dokumento sa pagsanla it mga kagamitan.
Amat-amat nga gin daea it mga suspek ru mga titulo, laptop ag mga motorsiklo nga naka sanla sa mag-asawang negosyante apang eagi man nga nabawi sa mga raya.
Gin usisa it mag-asawang negosyante kunsiin eon ru kwarta nga naga balor it P1.5M apang suno sa suspek, maga-adto sa abogado ag maga himo it agreement nga paga-amat-atan na sigun nga bayaran ru nasambit nga kantidad.
Gin komperma man it mga nabiktimang negosyante nga may mga kaibahan pa sigun ru mga suspek nga naga hueag sa probinsya’t Aklan nga may kapareho man ru modus.
Samtang, haum nga maga pasaka it kaso ru mag-asawang negosyante kontra sa mga suspek.//MARIVIC Y. ILIN
