LEGAZPI CITY – Nakatanggap ng PHP25,000 pesos ang isang mag-asawa sa bayan ng Camalig mula sa Balik Probinsya, Bagong Pag-asa (BP2) Program ng Department of Social Welfare and Development (DSWD).
Kinilala ang mag-asawa na si Jigie Antones at Rodolfo Nacion kung saan sila ang naging benipisyaryo nito dahil sa kakapusang pinansyal nang sila ay naninirahan sa Imus, Cavite.
Isinailalim sila sa assessment at ibinigay ang tulong-pinansyal para sa kanilang agarang paglipat sa Brgy. Binitayan upang makapagsimulang muli.
Ang nasabing programa ay isang whole-of-nation approach na naglalayong tumulong sa pag-decongest ng urban poor communities sa pamamagitan ng pagbibigay ng mga pangunahing programa at serbisyo upang palakasin ang kapasidad ng mga taong naghihirap sa pagkakaroon ng kabuhayan sa sandaling sila ay ibalik sa kani-kanilang lalawigan.
