Dead on arrival sa Ibajay District Hospital ru mag-amigo matapos ma aksidente sa gina sakyang motorsiklo sa pakurbadang daeanon it Brgy. Bugtong-Bato, Ibajay, Aklan kabie, Hunyo 28.
Sa report, uwa it helmet samtang, naga maneho it motorsiklo ru 27 anyos nga eaeaki angkas ru sangka 22 anyos nga kabarkadang eaeaki , tanan mga residente it nasambit nga lugar.
Naka angkon it patal nga tama sa ueo ag parte it kaeawasan ru mga biktima rason nga gin daea sa hospital it mga rumesponding MDRRM-Ibajay, Bureau of Fire Protection (BFP)-Ibajay ag Ibajay MPS apang gin deklara it doctor nga dead on arrival.//MARIVIC Y. ILIN
