Maabot sa 300 na Bicolano na biktima nin kasulo, natabangan kan AICS Program kan DSWD Bicol sa laog sana nin anom na bulan

LEGAZPI CITY – Natabangan an 284 na mga Bicolano na biktima nin kasulo sa irarom nin Assistance to Individuals in Crisis Situation (AICS) Program kan  Department of Social Welfare and Development (DSWD) Bicol sa laog sana nin anom na bulan ngonian na taon.

Segun sa nasambit na ahensya, dakol na an itinao sa mga nagin biktima nin kasulo siring kan pinansyal, Family Food Packs (FFPs), non-food items arog kan hygiene kits. Apwera pa kaini, nakapagtao naman sinda nin psychosocial interventions sa mga naapektaran na pamilya asin indibidwal, partikularmente na sa mga aki asin senior citizens.

Labi P2.6M naman subuot an nailuwas na kantidad nin cash relief assistance kan DSWD an naitao sa mga biktima sa laog nin anom na bulan sa presenting taon.

Basado sa report, pinakadakol na natabangan an Probinsya kan Camarines Sur asin Masbate na nag-abot sa 50 katawo an nasuloan sa manlaen laen na lugar, Albay 37, Sorsogon 33, Camarines Norte 20 asin 6 sa Catanduanes.

Leave a Reply

Your email address will not be published. Required fields are marked *