KORONADAL CITY — NILINAW ngayon ng Land Transportation Office o LT0-12 na trabaho lang ang kanilang ginagawa sakaling may mahuling mga motorsiklo o sasakyan na walang kaukulang dokumento, kahit ginagamit pa ito sa panahon ng emergency.
Ito ang inihayag ni LTO-12 Regional Director Macario Gonzaga sa panayam ng 95.7 Brigada News FM Koronadal.
Ayon kay Gonzaga, pinatutupad lamang nila ang batas ng patas at walang kinikilingan.
Ngunit may mga konsiderasyon din umano sila lalo na kung ginagamit ang sasakyan sa pagdadala ng agaw-buhay na pasyente sa ospital.
Paalala nito sa mga motorista na bago bumiyahe, siguruhing kompleto ang mga dokumento ng sasakyan at dala ang driver’s license upang hindi maabala sa pupuntahan.
