Plano ng Land Transportation Franchising and Regulatory Board (LTFRB) na palawakin ang service contracting program nito sa iba pang uri ng public utility vehicles sa gitna ng sunod-sunod na oil price hikes.
Sinabi ni LTFRB executive director Maria Kristina Cassion na palalawakin ang coverage ng programa para maisama rito ang jeepneys, UV express at ang iba pang uri ng transportasyon.
Ipinunto ni Cassion na tumaas ang budget ng ahensya mula P3 billion noong 2021 papunta sa P7 billion ngayong taon.
Sa kasalukuyan, mga drivers lamang ng public utility buses ang saklaw ng programa.
Mababatid na maaring makatanggap ang mga operators at drivers na magpapartisipa sa free ridership program ng gobyerno ng one-time payout na aabot sa P4,000 at weekly payments na base sa kilometrong naibabyahe kada linggo, meron man o walang pasahero.
