Pinaalala ng Land Transportation Franchising and Regulatory Board (LTFRB) sa mga pampublikong transportasyon ang diskwento ng pamasahe sa mga mag-aaral.
Nilinaw ng LTFRB na kahit weekends at nakabakasyon pa ang mga estudyante ay sakop pa rin ito sa student discount.
![](https://i0.wp.com/brigadanews.ph/wp-content/uploads/2022/10/ADV_CITRUPLUS__GENERIC-1024x1024.jpg?resize=267%2C267&ssl=1)
Ayon sa ahensya, karapatan ng mga students mula pre-school hanggang kolehiyo ang 20% discount mula Lunes hanggang linggo basta’t magdala lamang sila ng ID; bilang patunay na sila ay enrolled sa kasalukuyang taon.
Sakaling hindi bigyan ng student discount ang mga mag-aaral, hinihikayat ng LTFRB na isumbong sa kanilang tanggapan dahil papatawan ito ng karampatang parusa na lumabag sa RA 11314 o ang Student Fare Discount Act.
Samantala, ang dagdag-pisong pasahe sa mga tradisyunal at modern jeepney ay lumarga na ngayong araw.
Mula sa P12 na pamasahe ng traditional jeepney ay magiging P13 na; habang sa modern jeepney naman ay P15 na.