Gilayon nga nag patigayon sang meeting sini nga aga Octobre 4 sang Bacolod City Mayors Officer si Bacolod City Mayor Alfredo Abeladro Benitez sa Department of Public Works and Highways (DPWH), Disaster Risk Reduction Management (DRRMO), City Engineers Office (CEO) kaupod kay Vice Mayor El Cid Familiaran agud sugilanonan ang pagbinaha-haba sa syudad.
Sa interview sang Brigada News Fm kay City Administrator Atty. Pacifico Maghari III ginsiling sini may 22 ka lugar sa bilog nga Bacolod ang apiktado sang baha sa nagluntad nga ulan sadtong Domingo, Oktobre 3 kag ini ang luyag sang Alkalde mahatagan sang short kag long term solution. Suno kay Maghari naga pakita sa datus nga indi na masarangan sang mga daan nga tamburong ukon drainage system sang syudad ang tubig sadtong domingo sa halos isa ka oras ang pagbubo sang ulan amo nga nag-tuga sang gulpyada nga pagbaha sa 22 lugar sa diin 2 tubtub 3 ka tapak ang taas sang tubig.
Dugang pa sang City Administrator, kabahin sa plano sang syudad ang mag-ilis ang manhole steel cover, padayon nga de-clogging sa drainage systems, padaku-an ang sulodlan sang tubi padulong sa tamborong, pagpatuman sang maayo kag strikto nga pagkuha kag paghaboy sang basura, kag ang pag edukar sa publiko.
Ang mga lugar nga apektado sa amo nga baha amo ang Hi-Strip – Madalagan Area, SM City, Brgy. 12, Burgos-Hilado St., Central Market – Downtown Area, Gonzaga Subd., Brgy. Villamonte, Libertad Public Market, Lacson – Hernaez Street, Rosario-Mabini Streets., Gonzaga-Lopez Jaena Streets, Luzuriaga-Gatuslao Streets, Gonzaga-Mabini Streets, Circumferential – Burgos Streets (Loupe’s East), Lupit River, Brgy.40, Mandalagan River – Eroreco (Near Queen of Mercy Hospital), Sta. Ana -Brgy. 31; J.R. Torres – Brgy. Singcang; Gatuslao-Hernaez Streets, Mabini-Libertad (Hernaez St.)
Magsaysay Ave. (Flyover), Magsaysay – Lacson Streets kag Hernaez St. (Cokin Bldg.)