Nagalaom ang Provincial Health Officer sang Negros Occidental nga indi na magsaka kag indi na madugangan pa ang kaso sang cholera sa probinsya.
Ginpahayag ni Dr. Ernell Tumimbang indi malikawan nga may mga kaso sang acute gastroenteritis ukon acute diarrheal diseases magluwas sa cholera sa bug-os nga Negros Occidental kaangay sang amoebiasis, e-coli, typhoid , salmonella ukon indigestion ukon wala matunawan sang pagka-on.
Suno kay Tumimbang wala pa ang resulta sa ginpatigayon nga examinasyon sang Research Institure for Tropical Medicine ukon RITM sang Department of Health sa water sample nga ila sini nga ginpadala halin sa syudad sang Silay nga may pito ka mga kaso, syudad sang Victorias kag banwa sang E.B. Magalona.
Kinahanglan sang Provincial Health Office ang resulta halin sa RITM bangud luyag hibalu-on sini kun bala ang ginkuhaan sang tubig nga gingamit sang mga nagpositibo sa amo nga balati-an ang positibo sa Vibrio Cholera bacteria.
Sandig sa provincial health officer , pananglitan nga mag-negatibo gikan sa cholera ang gin-examine nga tubig sang RITM, mahimo ang bacteria ang nakuha sang mga pasyente sa ginabakal nila nga pagkaon….// Mapunggan lamang ang paglapta sang cholera pinaagi sa insakto nga pagpanghugas sang kamot, pagtinlo sa pagalutuon nga pagkaon kag sa nagaluto sang pagkaon.