ILOILO CITY — Patay ro sangka lolo nga naga manehu ku anang motorsiklo matapos masunggaban it sangka saeakyan nga ginapatihan nga ginkarnap kat nagpaeagyo sa police checkpoint sa Balasan, Iloilo.
Ginkilaea ro biktimang si Alejandro Navales, 63yo ag residente it Barangay Camambugan sa nasambit nga banwa.
Sa report it Balasan Municipal Police Station, gin-eagas it mga pulis si Gerry Aldrine Bazar, 33yo, it Fairville Subdivision, Sta. Barbara, Iloilo bangud owa raya nagpundo sa checkpoint sa Pilar, Capiz.
Insigida man nga nakipag angutan ro Pilar Municipal Police Station sa Balasan PNP kung siin paagto ro saeakyan.
Pero bangud sa madasig nga pagpadaeagan kara, nabanggaan kara ro magueang nga ginkamatay kara.
Nadakpan man si Navales ag nagapangatubang sa kasong reckless imprudence resulting to homicide ag damage to property. / ANN DESLENE SALAZAR
