Patay ru sangka lolo ag 3 ru naninahan sa natabong hit and run it sangka puti nga kotse sa karsadahon it magkaseparar nga lugar sa banwa’t Kalibo.
Sa report, nakilaea ru biktima nga si Robert Maigue, 59 anyos, residente it Brgy. Caano, Kalibo, AKlan.
Samtang ru driver it kotse hay nakilaeang si Rodney Hinolan , 40 anyos ag residente it Pob., Kalibo.
Naka angkon it patal nga igo sa kaeawasan ru biktima rason it gulpihan nga kamatayaon samtang gina bueong sa hospital.
Sa imbistigasyon, unang sinunggaban it kotse ru naka motorsiklo nga sanday Genebert Redo, 48 anyos angkas sanday Shiela Mae Redo, 20 anyos ag Jezabel Francisco, 19 anyos, tanan mga residente it Brgy. Cawayan, New Washington, Aklan.
Natabo ru aksidente sa Brgy. Pook, Kalibo bago ru pagka bangga sa naka bisekleta nga si Maigue.
Halin sa Poblacion Kalibo ru motorsiklo nga gina maneho ni Redo kat gulping binangga it kotse nga gina maneho ni Hinolan.
Sa makaron, padayon pa nga gin abueong sa hospital ru sambilog sa 3 mga nabangga sa motorsiklo.
Samtang, kulong sa makaron sa Klaibo MPS ru driver it kotse ag may posibilidad nga paga pasakaan it kaso nga Reckless Imprudence Resulting to Homicide ag physical injury.//MARIVIC Y. ILIN
