Nakita eon ru lolong may pilang adlaw nga gina usoy it mga otoridad sa Purok 4 C. Laserna St, Kalibo patabok konta sa Brgy. Mobo Kalibo, Aklan kat hampason it mabaskog nga bugso it tubi.
Sa gin himo nga retrieval operation it PDRRMC –Aklan, Philippine Coastguard, Kalibo ag Numancia Municipal Police Stations, nakita sa Sitio Libuton , Brgy. Bakhaw Norte, Kalibo, Aklan kahapon ru biktimang si Arlindo Tamayo, 64 anyos.
Nag-angkon it nina sa waeang kilay ru biktima ag ginapatihan nga resulta it pagka bangga sa matig-a nga bagay samtang gina hampas it tubi.
Samtang, nag pasalamat man ru bilog nga pamilya it biktima sa tanan nga mga nagbulig kapin pa sa mga retrieval operation operative agud makita ru biktima. //MARIVIC Y. ILIN
