Lola nabudol, masobra P55k ro nabuoe it mga suspek

Maliban sa P20,000 nga cash, nabuoe pa sa sangka lola ro anang singsing, cellphone ag kwarta nga pang grocery, matapos mabiktima it budol okun scam iya sa banwa it Kalibo kaina it agahun.

Samtang sa sangka mall segun ro biktima kaina it agahun, may nagpaeapit kana nga eaki ag nagpakilaea nga dating nobyo it anang panganay nga unga hasta sa nagtanyag ro suspek nga taw-an imaw it bueong ag gatas para sa anang maintenance ag tinaw-an pa gid imaw it 10,000 pesos nga cash pero pag uli nana sa andang baeay hay puro malang papel ro sueod it nasambit nga bag.

Personal nga nagpadueong iya sa Brigada News FM Kalibo ro sangka 68 anyos nga biktima nga taga banwa it Batan, Aklan, ag nagpanugiron sa natabo kana bilang awareness sa publiko. Owa segun imaw nagreport sa kapulisan bangud nahuya imaw sa natabo kapin hay daywang beses eon imaw nga na-scam. // ANN DESLENE SALAZAR

Leave a Reply

Your email address will not be published. Required fields are marked *