Dako ang posibilidad nga mabag-o ang pipila ka quarantine restrictions sa syudad sama sa 24 oras nga liquor ban ug curfew.
Kana kung ipailawum na sa Modified General Community Quarantine ang tibook nasud nga kasamtangan matud pang gidiskusyunan sa national government.
Matud kang Mayor Sara Duterte-Carpio, sa higayon nga mopabor ipailawum sa MGCQ ang tibook kapupud-an hayan nga iadjust usab ang ubang regulasyon dinhi sa syudad sama sa Liqour ban.
Nasayrang padayong ginatun-an sa nasudnong gobyerno ang nahaunang sugyot ni Acting Socioeconomic Planning Secretary Karl Kendrick Chua nga ipaubos sa MGCQ ang nasud aron hinay hinay nga makabangon ang ekonomiya sa nasud dungan unya sa pagpahigayon sa COVID-19 vaccination sa gobyerno. BNFM-DAVAO
