Tinutulan ni Health Secretary Francisco Duque III ang mungkahi ni presidential spokesman Harry Roque na gawing requirement ang COVID-19 vaccination para mag-claim ng financial aid.
Ayon kay Duque, masyadong “discriminatory” at hindi tama ang naturang mungkahi.
Dagdag nito, walang kinalaman ang bakuna, para makakuha ng ayuda.
Una nang nagpahiwatig si presidential spokesperson Harry Roque sa ideyang gawing prerequisite ang COVID-19 vaccination para sa cash aid na ibibigay sa mga benepisyaryo ng Pantawid Pamilyang Pilipino Program.
Paliwanag kasi ni Roque, marami ang nakakabenepisyo mula sa naturang programa, at kung isasama umano ang bakuna bilang isa sa mga kondisyon, ay maraming tao ang mababakunahan kabilang na ang mga nasa vulnerable sector. // MHEL PACIA
