Boluntaryong nagsurender ro limang miyembro it Communist Terrorist Group sa Regional Mobile Force Company 6 sa 606 Company Headquarters Calinog, Iloilo ku Hunyo 21, 2023.
Ro mga nagsurender hay parehung mga residente it Brgy. Binolusan sa banwa it Calinog, Iloilo.
Ginsurender man nanda ro andang armas nga tatlong long barrel 12-gauge home-made shotgun; sangka short barrel 12-gauge; sangka caliber.38 nga owa it serial number; ag ap-at nga 12-gauge ammunition.
Matandaan nga ku nagtaliwan nga dominggo hay nagpahayag it pagbawi it suporta sa komunistang teroristang grupo ro masobra 100 ka mga residente it Brgy. Binolusan.
Sa makarun hay ginapaidaeum eon ro mga nagsurender sa validation ag profiling para sa Enhance Comprehensive Local and Integration Program o (E-CLIP). // ANN DESLENE SALAZAR
