Inaalagaan ngayon sa James L. Gordon Memorial Hospital ang limang covid-19 positive na hindi residente ng Olongapo.
Ito ay makaraang i-refer ng ibang mga pagamutan na punuan na rin sa mga pasyenteng may covid-19.
Ayon kay Hospital Chief Dr. Jewel Manuel, dalawamput pito ang covid-19 severe at critical na pasyente ang naka-admit ngayon at lima dito ang galing sa ibang lugar gaya ng Metro Manila.
Ang James Gordon Hospital ay kabilang sa mga Covid-19 Referral Hospital kaya obligado ang pagamutan na tanggapin ang tatanggihan na sa ibang ospital.//Christian Andres-BNFM OLONGAPO
