Hugot karong nagpahimangno ang otoridad sa mga byahero likayan ang ang pag-inom og ilimnong makahubog ayha mobyahe, kini aron makalikay sa bisan unsang peligro nag masugatan sa dalan.
Ang pahimangno nunot sa nahitabong pagka-aksidente sa usa ka Sports Utility Vehicle didto sa Miranda Bridge, Bincungan, Tagum City sa miaging hapon nga miresulta sa pagkamatay sa usa ug pagkaangol sa duha ka pahinante.
Subay sa report gikan kang PMSg Ronald F. Jopista traffic invistigator sa Tagum City Police station, giila ang nakabsan nga si Felizardo M. Medilo drayber ug tag-iya sa Hyundai Starex Van samtang ang duha nga samdan naila nga sila si Jonjie G. Decafe, 30 anyos minyo taga Maco, Davao De Oro ug Oliver T. Cifra, 37 anyos, minyo nga residente sa Prk. Bagani, Brgy. Cuambugan, Tagum City.
Gikan matud pa sa Davao City ang SUV paingon sa Tagum City Proper apan-abot sa may tulay nawad-an og kontrol ang drayber ug misirko hinungdan sa iyang kamatayon.
Subay usab sa mga kaila sa biktima nga nakainom daan ang tulo ayha nibyahe gawas pa sa mag nakakita kanila nga nangaon una og balot dayon nag-inom og bino.BNFM-DAVAO
