Tiniyak ni Speaker Martin Romualdez na susuportahan ng Kamara ang legislative agenda ni Pangulong Bongbong Marcos hanggang sa matapos ang termino nito sa taong 2028.
Sa kanyang mensahe para sa kaarawan ni Pangulong Marcos ngayong araw, sinabi ni Romualdez na kaisa sila sa adhikain nito sa pagpapabuti ng buhay ng mga Pilipino.
Hiling din ng Speaker ang mabuting kalusugan at tagumpay ng punong ehekutibo sa lahat ng plano na magpapaunlad sa bansa.
Ikinalugod naman ni Romualdez ang pag-usbong ng karera ni Marcos sa pulitika na personal umano nitong nasaksihan sa nakalipas na mga taon pati na ang commitment na pangunahan ang bansa tungo sa pagkakaisa.
