DILI na kinahanglan pa ang lokal nga balaod may kalabotan sa paggahin og esklusibong parking space sa tanan nga mga gambalay, business establishments ug mga buhatan kon napatuman lang sa husto ang Batas Pambansa 344 o An Act to Enhance the Mobility of Disabled Persons by Requiring Certain Buildings, Institutions, Establishments and Public Utilities to install Facilities and Other Devices.
Kini ang reaksyon ni Jose Patriarca, presidente sa PWD sa Brgy. Bula, Gensan may kalabotan sa ginaduso sa Sangguniang Panlungsod nga ordinansa nga gahinan og esklusibong parking space sa tanan nga mga gambalay, business establishments ug mga buhatan ang mga PWD.
Segon ni Patriarca nga may balaod kalabot sa nahisgotan ugaling kay walay ngipon ug kulang sa implementasyon hinungdan nga angayan lang unta nga may mugnaon nga task force nga mao ang mag-monitor kon napatuman sa husto ang maong balaod.
Saysay pa niini nga adunay mga establisemento nga dili gyud mapaboran ang mga PWD ug aduna usab mga mga mall nga gibutangan tinuod og parking space for PWD ugaling kay ang naga-parking ang pribadong sakyanan nga iya sa adunahan nga wala gina-sita.
Bisan sa pampublikong lugar ug gihimo pa nga ehemplo niini ang DJPRH nga walay parking space alang sa PWD.
Gihingusgan niini nga dismayado sila sa iyang kauban nga nakasaklay nga driver sa tricycle tungod sa pagpahawa kanila sa guwardiya kay dili sila pwede mo-parking tapad sa mga nakahilira nga pribado, nindot ug mahalon nga sakyanan. I Danny Casi
