NAGPAGAWAS og katin-awan si Gensan Community Environment and Natural Resource Office kon CENRO Officer Alan Marcilla may kalabotan sa Waste Water Treatment Facility sa palengke nga nahimutang sa roundball sa Brgy.Bula ug gikaingon nga napasagdan sa maong buhatan.
Segon ni Marcilla nga ang maong pasilidad ang anaa sa ilaum sa pagdumala sa city public market tungod kay ang papel lang nila niini ang water quality testing nga buot ipasabot kon may mogawas nga tubig testingan lang nila kon pasado o dili.
Hinuon giangkon niini nga niapil lang sila sa pagpangita og solusyon tungod sa apektado ang environment kon pananglitan nga dili mogana ang waste water treatment facility
Gisaysay ni Marcilla nga naestoryahan na nila ang rehabilitasyon sa maong pasilidad nga nagkantidad og P13-M ugaling kay naatlan sa pandemic hinungdan nga na-divert ang pundo tungod sa mga inisyatibo maong nawala ang nahisgotan nga pundo.
Samtang gipaklaro usab niini nga nagahangyo sila kauban sa buhatan sa City Engineer nga mabalik ang pundo nga kon dili karon nga tuig mahimo nga sa sunod tuig alang sa rehabilitasyon sa pasilidad. I Danny Casi
