Namahagi ng tulong ang iba’t ibang bansa at grupo upang magbigay ng tulog para sa Libya matapos ang isang malakawang pagbaha na nagtamo ng mahigit apat na libong patay.
Nangangakong magpapadala ng mga rescue team at tulong ang United Nations, Amerika, European Union at marami pang bansa, kabilang na rito ang pagkain, mga tangke ng tubig, mga emergency shelter, mga medikal na suplay at body bags.
Bukod pa sa mga nabanggit, magbibigay rin ang mga bansang Algeria, Egypt, Jordan, Kuwait, Qatar, Tunisia, Turkey at United Arab Emirates pati na rin ang mga Palestinian.
Ayon kay UN High Commissioner for Human Rights Volker Turk, na isantabi muna ang hindi pagkakasundo ng mga bansa at kumilos nang sama-sama dahil sa iisang layunin: lahat ng mga apektado ay dapat makatanggap ng suporta, nang walang pagsasaalang-alang sa anumang mga kaakibat.
