Bukas para sa tanan nga mga Authorized Persons Outside Residence (APORs) ro “Libre Sakay” nga programa it gobyerno gamit ro mga ceres buses it Vallacar Transit Inc.
Base kay Vallacar Transit Inc., Administrative Manager Joseph Uyco, kinahangean eamang nga magpresent it ID o certificate of employment ro mga indibidwal agud maka-avail it nasambitan nga programa.
May daywa hasta tatlo ka mga units it ceres buses ro na-deploy it Vallacar Transit sa kada ruta sa guwa it probinsya it Iloilo.
Base sa Land Transportation Franchising and Regulatory Board (LTFRB), uwa pa man it konkreto nga petsa kung hin-uno matapos ro programa nga “Libre Sakay” it gobyerno. /JIL B. LACSON
