BICOL – SARONG grupo nin mga registered social workers sa Bicol an nakatalaan na mag ofrecir nin libreng serbisyo para sa mga indibidwal na nakakaeksperiencia nin mental health issues dahil sa pandemya.
Segun sa member asin Media Focal Person kan Bicol Registered Social Worker Volunteers (BRSWV) na si Marivic Balance, aram soboot kan saindang grupo nadakul na mga indibidwal ngunyan na panahon nin
pandemya an nangangaipo nin emotional support urog an mga miyembro nin vulnerable sectors na nagsapar nin matinding anxiety asin stress.
Katakod kaini nagbilog na nin plano an saindang grupo tanganing makapag ofrecir nin libreng psychological fist aid alagad dahil sa restriksyon asin pag iingat na man sa virus ,gigibohon ining online.
An grupo an kopwesto nin mga volunteers bakao sana gikan sa DSWD o iba pang social welfare offices or agencies imbes igwa man sindang miyembro gikan sa academe, medical profession, police, military, asin iba pang institusyon.
Dugang pa ni Balance, dawa pa sinda an igwang regular day job, nakahanda an saindang grupo na mag-accommodate nin kliyente na nangangaipo nin saindang serbisyo dawa pa matanga.
Sa katunayan, sa tahaw kan ipinautob na lockdown kan nakalihis na taon, naging prayoridad man kan grupo an mga frontliners sa saindang mga isinasagibong libreng psycho-social services.
Sa ngunyan sainda man na pigtututukan an mga senior citizens asin mga estudyante na ‘prone’ man na makamati nin depresyon.
Sa kasalukuyan, kompwesto an grupo nin singkwenta y singkong miyembro kun saen bente sa mga ini an nakabase sa Camarines Sur mantang an trenta y singkong iba pa an gikan sa man iba ibang partekan rehiyon.
