LEGAZPI CITY – Nakatalaan ikondusir saaga an libreng operasyon para sa mga residenteng bingot asin ngo-ngo sa Josefina Belmonte Duran Albay Provincial Hospital (JBDAPH) Bgry. Tuburan, Ligao City, Albay.
Sa intrevista kan Brigada News FM Legazpi kay Project Coordinator Cyril Erialde, sinabi niya na obheto kan aktibidad na matabangan an mga tios na residente na igwang siring na kondisyon.
Kasabay man su boot sa maa-avail nindang libre an pre-med, post-med, laboratory, x-ray asin iba pa.
Segun kay Erialde, an kaipuhan sana nganing ma-avail ini: para sa may cleft lip – puon 4 months old onwards na may 5 kilos; sa mga ngo-ngo naman, dapat santaon sundo 25 anyos sana.
Sa paper requirements naman, magdara ki certificate of indigency na inisyu kan barangay, birth certificate kan ooperahan, marriage certificate kun igwa, asin PHILHEALTH card kun igwa.