Papayagan na muli ang paglilibing at cremation sa Manila North Cemetery simula bukas.
Sa katunayan ayon kay Manila North Cemetery Director Yayay Casteñeda bukas na ngayon ang kanilang opisina sa pagtanggap ng mga aplikasyon.
Limang libong piso ang renta ng mga dating nitso sa MNC at ang kontrata ay limang taon.
Samantalang sa mga bago nang nitso ay 12,500.
Kabilang na raw sa package ang taga libing, lapida, taga pintura at permits.
Matapos ang limang taong kontrata sakaling hindi pa ma pull out ng pamilya ang buto, binibigyan sila ng 15 days grace period para magawa ito.
Kung sakaling hindi pa rin maalis ang buto dadalhin ito sa bone crypts.
Samantala sinabi ni Director Yayay na nananatiling mahigpit ang seguridad sa MNC.
Mababa pa rin ang bilang ng mga nagtutungo rito na inaasahan na rin raw ng pamunuan ng sementeryo dahil bukas ay balik trabaho na.
