KORONADAL CITY- MAGBIBIGAY ng insentibo si Surallah Mayor Pedro Matinong sa mga indibidwal na makatutulong sa kanilang kampanya laban sa African Swine Fever o ASF partikular na sa Barangay Naci.
Ayon kay Mayor Matinong na magbibigay ito ng P 300 na insentibo sa mga makapagtuturo o makakapag-report sa sinuman na nagpapapasok at nagkakatay ng baboy sa naturang lugar.
Inihayag ng alkalde na importante ang kooperasyon ng komunidad sa pagsugpo sa naturang virus.
Sa ngayon, manageable na aniya ang ASF sa Barangay Naci at pinagsisikapan ng mga ito na ma-lift na ang ASF declaration sa bayan ng Surallah.
Noong buwan ng Hunyo, aabot sa 200 mga baboy ang isinailalim sa culling sa nasabing barangay dahil sa kumpirmadong kaso ng ASF.
