LEGAZPI CITY – Tinawan-duon kan Local Government Unit (LGU) kan Sto. Domingo, Albay na naisumiter na sa Sangguniang Bayan an kinakaipuhang mga dugang na rekisitos na isusumiter kan saindang opisina sa Commision on Higher Education (CHED) manungod sa ipinasar na ordinansa na nagmamawot magtugdok nin community college sa nasambitang banwaan.
Sa anunsyo kan LGU, ipinagheras ka ini an mga litrato na nagpapatotoo su boot na naisumiter na sa sanggunian antes an nangyareng borotohan kan nasabing ordinansa.
Kun marurumduman, matrayumpong naipasar an ordinansa sa botong 5 “Yes”; 4 na “NO”; asin sarong abstain, alagad padagos ining pinagkikwestyon kan mga konsehal na dai nagtutugot maipasar an ordinansa huli sa kakulangan su boot nin magkakanigong dokumentos na ipinasa sa CHED.
Alagad, segun man sa CHED, kinakaipuhan na gibuhong reference kan LGUan CMO 18, series of 2022 o an Grant of Institutional Recognition sa sarong lokal na kolehiyo nin huli ta nakalaag man digdi an mga specific requirements na isumiter sa CHED nganing matawan nin otoridad an pagpatugdok kan nasabing kolehiyo. | JEFFREY ALTAVANO
