Naiboesa it local government unit (LGU Malay), ro 2nd Place Best Booth Award sa LGU Category sa 9th International Travel Festival nga ginhiwat sa Cebu City ku May 3-5, 2024.
Ginpangunahan ni Dr. Felix Delos Santos Jr., it Municipal Tourism Office ro kadaeag-an ngara ag ginpromisa ro mas manami nga turismo.
Ro selebrasyon ngara hay sangka testamento sa padayun nga pagtinguha ag pagbueoligan it LGU Malay ag nagkasari-sari nga stakeholder sa industriya it turismo sa Munisipyo, nga naga paangat sa banwa it Malay sa global stage. // ANN DESLENE SALAZAR