LEGAZPI CITY – Nakakuha ang Legazpi City ng mas malaking halaga na PHP278.3 milyon sa National Tax Allotment (NTA) sa unang tatlong buwan ng 2022, o pagtaas ng 36.86% kumpara sa halagang natanggap noong 2021 sa ilalim ng lumang Internal Revenue Allotment (IRA).
Batay sa opisyal na datos, nakakolekta ang City Treasurer’s Office (CTO) ng PHP203.9 milyon mula sa IRA noong 2021, na nagpapakita ng pagtaas ng PHP74.9 milyon o 36.86 porsiyento sa ilalim ng NTA ngayong taon.
Ayon kay City Budget Officer Jeffrey Navarro ang pagtaas sa pagpapatupad ng Mandanas Ruling ay dahil sa full-blown na pagpapatupad ngayon ng Mandanas Ruling kaya mas malaki ang bahagi mula sa NTA kumpara noong tinawag pa itong IRA.
Aniya, tumaas ang bahagi ng City Government ng Legazpi mula sa NTA, idinagdag na may ilang porsyento ng koleksyon ng National Government mula sa Bureau Customs (BOC) ang idinagdag sa LGU bilang bahagi ng bagong ipinatupad na tax-sharing scheme.
Sinabi ni Navarro sa katunayan, ang Pamahalaang Lungsod ng Legazpi ay nagta-target ng PHP1.1-bilyong bahagi ng NTA para sa buong taon ng 2022.
Dagdag pa ni Carlita de Guzman, head ng City Treasurer’s Office (CTO), mula Enero hanggang Marso ng kasalukuyang taon, ang kanilang tanggapan ay nakakolekta ng PHP74.237 milyon mula sa Real Property Tax (RPT), na mas mataas sa PHP68.262- milyong koleksyon sa parehong panahon noong nakaraang taon, na nagpapakita ng bahagyang pagtaas ng PHP5.975 milyon, o 8.7 porsyento.
Ngunit ang koleksyon mula sa mga bayarin at singil ng pamahalaang lungsod mula Enero hanggang Marso ng kasalukuyang taon ay bumaba ng 3.13% dahil ang nasbing opisina ay nakakolekta lamang ng PHP40.2 milyon laban sa PHP41.5 milyon o PHP1.3 milyon na mas mababa kumpara sa parehong panahon noong nakaraang taon.
Idinagdag ni De Guzman na ang koleksyon mula sa “economic enterprises” ay bumaba rin ng PHP4.497 milyon o 30.64 porsyento, na may PHP14.679 milyon na nakolekta sa unang quarter ng nakaraang taon kumpara sa PHP10.181 milyon sa kasalukuyang taon.
