LEGAZPI CITY – Saro sa pangaturugan kan gobyerno-lokal kan Jovellar an makabale sa Guinness Book of World Records an saindang year-long na selebrasyon kan Jovellar Albay Festival katakod pa man giraray kan Quipia Festival.
Segun kay Joseph De Leon Advincula, executive director kan Office of the Mayor, saro ini sa saindang kamawotan huli ta sarong orgulyo ini para sa saindang banwaan.
Sa presente kaya, kapot kan India an kaparehong record para sa saindang religious festival.
Kaya ngunyan, pinaglalaoman nindang sunod na idedeklarar an festival komo ‘longest festival in the world’.
Sa ngunyan, nakalinyada na su boot an mga aktibidad kun sain mas maambag ini sa turismo kan nasambit na banwaan.
