NAGPAGAWAS og opisyal nga pahayag ang LGU Gensan kalabot sa balita sa nga adunay sinakong bugas nga nabulok sa Lagao gymnasium.
Subay sa pahayag nga adunay dideo ni Executive Assistant III Jose Kevin Sienes iyang ginapaklaro nga daghan pa ang bugas sa sulod ug gawas sa Lagao gymnasium ug ilaha kini nga gi-atiman pag-ayo aron dili madaut, as of August 20, 2021 aduna pay 660 ka saku sa tig 50 kilos ug 851 ka saku sa tig 25 kilos nga wala pa na-repack ug wala pa na pick up.
Gisulti usab ni Sienes nga ang nahibiling bugas, reserba alang sa emerhensya ug sa mga panimalay nga mabutang sa localized lockdown tungod sa COVID-19.
Gipaklaro usab ni Sienes nga wala nabulok ang mga bugas kon may nalista man nga damaged ginakonsidera kini nga luwas gihapon kaunon kon safe for human consumption.
Kahibaluan nga sa unang pahayag ni Sienes sa paghinabi sa 89.5 Brigada News FM Gensan Agusto 18, 2021 ang pangutana kon wala ba na apektuhan ang quality sa bugas nga gibalhin gikan sa bodega sa National Food Authority ug ang tubag niini.
“Wala man, pero kon may mga damages we attribute it to handling and sa big volume na we attending too, kon sa negosyo yan may mga percentage error or allowable losses pero very minimal,sa handling nabutas,yong sa pinakababa natamaan ng tubig nabasa, nahitabo kini sa pagsugod pa kay dili ta ready kay bisan dagku nga nasud dili ready.”
Gidugang ni Sienes nga karon nabantayan na kay sa una gitambak lang ug nasubra sa capacity sa gym,mao nga sa gawas na ang uban gibutangan og palita ug trapal apan sa pag-ulan na-ambihan. Ang laing pangutana sa imbentaryo pila ang damages abot napulo ka saku? ang tubag ni Sienes ang damages subra sampo, mga baynte hangtud traynta ka saku pero,actually hundred og sacks yan na may damages yong iba one half nalang yong iba one fourth nalang natira especially yong galing sa labas,”ang unang pahayag ni Sienes sa paghinabi sa Brigada. ( Ever Diazon)
