BNFM BICOL—Muling nanawagan ang lokal na pamahalaan ng Daraga sa lalawigan ng Albay sakanilang mga residente na magpabakuna na kontra COVID-19.
Sa kanyang facebook post, hinikayat ni Daraga Mayor – Vic Perete ang kanyang mga nasasakupan na makiisa sa nagpapatuloy na vaccination roll out sa iba’t-ibang panig ng kanilang bayan dahil sa layuning maabot ang ‘herd immunity’ bago matapos ang kasalukuyang taon.
Sa kabila aniya ng pagkakasailalim sa Alert Level 3 quarantine classification, nagpapatuloy ang kanilang pagsusumikap na mabakunahan at mabigyan ng proteksyon ang mayorya sakanilang mga residente at upang kahit papaano ay maibalik na rin ang sigla ng ekonomiya at turismo sa lugar.
Batay sa pinakahuling ulat ng Albay Provincial Health Office, umabot na sa 48% ng 70% ng populasyon sa bayan ng Daraga, ang bakunado na kontra COVID-19.###
