BICOL—Liwat na nangapodan nin dugang na bakuna an lokal na gobyerno kan Daraga, Albay gikan sa Departamento de Salud.
Sigun ki Alkalde Victor Perete, hababa pa sa 10% kan saindang populasyon an nabakunahan huli sa kakulangan sa suplay kan COVID-19 vaccine.
Huli kaya kan kawaran nin bakuna, napependiente an kuta na dagos dagos na pagbabakuna sa mga residente.
Pagtataong doon kan alkalde, an banwaan nin Daraga panduwa sa syudad nin Legazpi sa may pinakahalangkaw na kaso kan helang sa Albay kun kaya dapat sana man na madugangan an alokasyon nin bakuna para sa sainda.
Sa presente, nakumpleto na suboot ninda an mga nasa A1 priority list mantang hababa pa an bilang kan mga nababakunahan sa mga nasa A2 o mga senior citizen asin A3 o individuals with comorbidities.
Ngani na makua an herd immunity, kaipuhan kan sarong lugar na mabakunahan an nasa 70% kan saindang target population alagad sa kamugtakan suboot ngunyan kan vaccine delivery sa Daraga, harayo pa ini sa target.
Marurumduman na apwera sa banwaan nin Daraga, nagkapirang munisipyo pa sa Albay an nag-aagrangay huli kan suboot bagulbol na pag-abot kan mga bakuna sa saindang lugar.### || SLM
